Aqidaga oid E-Kitoblar

Salafi solih - Ahli Sunnat val Jamoa E'tiqodi [Kitob kiril alifbosida] 

Bu Kitobda siz bizlar uchun muhim bo'lgan aqida masalari bilan tanishasiz.  Muallif iymonning besh ruknini mukammal ravishda dalillar bilan izohlaganlar.  Undan tashqari iymon va Ahli Sunnatning iymon bergan ta'rifi, takfir, kufrning turlari, Alloh uchun yaxshi va yomon ko'rishlik va uning turlari, Ahli Sunnatning saxoba va ahli bayt haqidagi e'tiqodlari va Ahli Sunnatning bid'at va havo ahliga bo'lgan munosabati va Salafi solihinlarning bid'at ahli borasida aytgan so'zlari bilan yaqindan tanishasiz.  Bu kitobda keltirilgan xar bir dalilni arab tili matlarini har birini berilgan desak adashmaymiz.  Dalillarni arab matnini berishlikdan maqsad, Dini Islomga bo'lgan da'vat yo'lida yurgan tolibi ilmlarni ularni yodlashlik va da'vat qilayotganda va har bir mas'alani insonlarga tushuntirishda dalillar bilan tushuntirishni qulay qilishlik uchun qilingandur.  Alloh subhanahu va Ta'alodan barchamizni O'zining diniga da'vat qiladiganlardan bo'lishlikka tavfiq berishini so'rab qolamiz.  Amin.  

Sog'lom e'tiqodi (Shayx Ibn Boz rahimahulloh) [Kitob kiril alifbosida]  

Bu Kitobda siz Iymon arkonlari bo'lmish Allohga, maloikalarga, ilohiy kitoblar, payg'ambarlarga, qiyomat kuniga va qadarning yaxshisi va yomoniga iymon keltirish borasida tanishasiz.

Bu Kitobda siz Islomiy Aqidaning boshlangich ta'limoti, Islom va Iymon asoslari, Allohning Bandalar ustidagi haqqi, Tavhid turlari va foydasi, amallarning qabul bo'lish shartlari, Shirk al-Akbar (katta shirk) va uning ko'rinishlari, Katta Shirk turlari, Shirk Al-Asg'ar (Kichik Shirk) ma'nosi, shafo'at, Alloh yo'lida kurash, Vala (Alloh uchun yahshi ko'rishlik) va Hukm bo'rasida, va hamda Quron va Sunnatga binoan hayot kechirish, Duolarning qabul bo'linish shartlari haqqida qisqa savol-javoblar bilan tanishasiz.  Bu Bo'lim Islomiy aqidani dalillar bilan o'rganishlikka va ularning Hikmatlarini bilishlikka insonni chorlaydi. 

Bu Kitob - har bir musulmon uchun bilishlari muhim bo'lgan kitoblardan biridur.  Bu kitobning qisqaligi, uning arabchasi juda hamma uchun qulay holda yozilgani va har bir mas'alaga bo'lgan daqiq dalillari bilan ajralib turadi.  Bu kitobchani sizlarga arab tilidagi matni bilan, bo'lib-bo'lib tarjimasini keltirganmizki, shoyad barchamiz bu kitobning ham arab tili matnidan va hamda o'zbek tarjimasidan foyda olamiz va buni muallif rahimahulloh aytib o'tganlaridek: uni o'zimiz o'rganib, unga amal qilib va boshqalarni o'sha ilmga chaqirib va shu yo'lda ozorlar bo'lsa unga sabir qilishimizga hammamizga Alloh tavfiq bersin. Amin.

Bu Kitobda siz barcha musulmonlar uchun bilishlari zarur bo'lgan Tavhid (Allohning yakkaligi)ning uch turi bilan tanishasiz.  Bu Tavhid turlarini bilishlik va ularni hayotimizga tatbiq qilishlik bizlar uchun farzdur, chunki Alloh Ta'alo bizlarni faqat yolg'iz O'zigagina ibodat qilishimiz uchun yaratdi.  Alloh Ta'alo Qur'oni Karimda: " Men (Alloh) jinn va inson toifalarini faqat O'zimgagina ibodat qilishlari uchun yaratdim" [ 51:56].  Aloh hammamizni Tavhid ahlidan qilishligini so'rab qolamiz.  Amin

Bu Kitobda siz Tavhid (Allohning yakkaligi), uning afzalligi, unga ega bo'lgan kimsalarning fazilati, Shirk, La ilaha illa Alloh kalimasining ma'nosi, har hil ko'zdan saqlashlik uchun taqiladigan ko'z-munchoq, isiriq va boshqa taqinchoqlar amallar, Allohdan o'zganing ismiga atab qurbonlik qilishlikning hukmi, Shafoat, Hidoyat, qasam ichishlik, madad so'rashlik, Sihr, Folbinlik, Astrologiya, va boshqa Tavhidga bog'li bo'lgan mavzulardan iborat.  Bu Kitob aslida 67 bobdan ibodat bo'lganligi uchun va uning ichida ko'p izoh va yoritishlar kiritilishi ko'p vaqt ni olganligi uchun bob-bob qilib tavsiya qilindi.  Alloh hammamizni Tavhid ahlidan qilishligini so'rab qolamiz.  Amin

Allohning boshqa maxluqlardan Oliylik sifati boshqa eshitish, ko’rish, kalom va pastga tushishlik sifatlariga o’xshagan Qur’on va sahih hadislarda zikr qilingan Allohning sifatlari kabidur.  Salafi solihinlar, najot topgan firqa, ahli sunnat val jamoa aqidasi Alloh Ta’alo O’zining Kitobidagi va Uning Rasuli hadislarda zikr qilgan xabarlarga ta’vil ⁽Qu’ron va Sunnatda bo’lmagan xabarlar bilan sharx qilib, natijada Alloh va Rasuli qasd qilgan ma’nodan boshqa ma’noni berishni ta’vil deyiladi), ta’til ⁽Qur’on va Sunnatda bo’lgan Allohning sifatlarini butunlayin inkor qilishlik.) va tashbihsiz (Qur’on va Sunnatda zikr qilingan Allohning sifatlarini boshqa maxluqlarning sifatlarini o’xshatishlik) iymon keltirishni taqozo qiladi, bunga dalil Alloh Ta’aloning quyidagi qavlidur:

 “ Uning o’xshashi yo’qdur, U Eshitguvchi va Ko’rib turguvchi Zotdur” [Shuro surasi 42:11]

Olamlar Robbisi bo'lmish Alloh Ta'aloni qo'yib boshqalardan madad so'rashlik - Allohga bo'lgan Shirkul Akbardur, bu sababli kimsa Islom millatidan chiqadi va mushriklardan bo'lib qoladi.  Alloh bunday amal qilib qo'yishlikdan hammamizni asrasin. Amin.

Manhajga oid E-Kitoblar

Ibodatga oid E-Kitoblar

 Barchamizga ma'lumki, duo bu ibodatdur.  Bu Rasululloh sallallohu alayhi va sallamning Nu'mon ibn Bashir radiyallahu anhu rivoyat qilgan quyida so'zlariga asoslangandur: "Duo ibodatni o'zginasidur" [Imom Termiziy, Ibn Mojja, Abu Dovud rivoyatlari].  Demak duo ibodat ekan, ibodat aslan Alloh va Rasuli tomonidan joriy qilinmoqligi zarurdur. Alloh Ta'alo Rasululloh sallallohu alayhi va sallamni bizlar uchun Quronni bayon qilib berishlari uchun va Alloh Ta'alo tomonidan bizlar ma'mur bo'lgan ibodatni batafsil ko'rsatib ketishlik uchun elchi qilindilar.  Bu bilan din komil bo'ldi va dinga biron bir qo'shimcha qo'shishlikka o'rin qolmadi.  Payg'ambarimiz sallallohu alayhi va sallam hayotlari mobaynida kundalik qilgan duolar sahih hadislarda saqlanib kelgandur.  Bu kitobda Shayx Said Al-Qahtoniy hafizahulloh sahih va hasan sanadi bilan kelgan barcha duolarni to'plab ularni boblarga ajratib, huddi kundalik hayotimizga moslab tartiblagandurlar.  Bu Kitob duo borasida eng afzal va eng sahih kitoblardan biridur.  Alloh Ta'alo hammamizni shu duolarni yodlab ularni o'z o'rnida aytib yurishlikni nasib aylasin. Amin.

Bu kitobda siz dinimizda ko'pchilik amal qiladigan Bid'atlardan bo'lmish tasbih borasida tanishasiz va Qur'on, Hadis va Salafi solihinlarning tushunchasidan kelib chiqqan holda uning bid'at ekanligiga o'ziz guvoh bo'lasiz va bu bilan ba'zilarning har hil "ruxsatga" olib boradigan fatvolariga javob topasiz. Chunki ba'zi ulamolar zikrni o'ng qo'l barmoqlari bilan sanashlikni afzalligini aytib ketishadiku, lekin uning o'rniga tasbihni ishlatishlikni bid'at deyishga jura't qila olmaydilar.  Lekin mana bu qisqa risolada muhaddis olimlardan bo'lmish shayx Muhammad Nosiruddin Al-Alboniy rahimahulloh Rasululloh sallallohu alayhi va sallamning hadisi  va salafi solihinlardan bo'lgan asarlarga tayangan holda uning bi'dat ekanligida shak-shubha yo'qligini ko'rsatib beradilar. 

Siz bu E-Kitobda ro'zaning lug'oviy va shar'iy tarifi, uning Islom dinidagi hukmi, sahih hadislarda ko'rsatilgan fazilatlari va foydalari, rioya qilinishi zarur bo'lgan ro'za odoblari va sunnatlari, va bu muborak oyda nimalar qilmog'lik kerakligi mas'alari bilan tanishasiz.  Bundan tashqari Qu'ron va sahih hadislarda keltirilgan dalillarning arabcha matnlari keltirilganki, shoyad biz ham dalillarni arab tilida o'qib, fahmlab, yodlab, ularga amal qilib va boshqalarni ham o'rgatsak.

Bu pdf faylida siz Islom dinining ustunlaridan bo'lmish Ramazon oyida tutiladigan ro'zaning hukmi, uning fazilatlari, unga tegishlik ba'zi mas'alalar borasidagi bo'lgan hadislar bilan tanishasiz.  Oyat va hadislarning barchasini arabcha matni keltirilganki, shoyad birodarlarimiz oyat va hadislarni arab tilida o'qib ularni fahmlab va boshqalarga ham o'rgatsalar.  Alloh hammamizni O'zining muborak oyi bo'lmish Ramazon oyidan to'liq foydalanishimizga va undagi bo'lgan cheksiz ajrlar olishlikka nasib qilsin. Bundan tashqari Qu'ron va sahih hadislarda keltirilgan dalillarning arabcha matnlari keltirilganki, shoyad biz ham dalillarni arab tilida o'qib, fahmlab, yodlab, ularga amal qilib va boshqalarni ham o'rgatsak.

Salaf ulamolari hayotilaridan parchalar

Butun olamlar robbisining Rasuli bo'lgan, olamlarga marhamat qilib yuborilgan payg'ambarimiz Muhammad sallallohu alayhi va sallam shunday deb marhamat qilgan ekanlar: