16.  Rasululloh sallallohu alayhi va sallam shunday deb marhamat qildilar:

 إِنَّ اللَّهَ لاَ يَقْبِضُ الْعِلْمَ ‏ ‏انْتِزَاعًا ‏ ‏يَنْتَزِعُهُ مِنْ الْعِبَادِ وَلَكِنْ يَقْبِضُ الْعِلْمَ ‏ ‏بِقَبْضِ ‏ ‏الْعُلَمَاءِ حَتَّى إِذَا لَمْ يُبْقِ عَالِمًا اتَّخَذَ النَّاسُ رُءُوسًا جُهَّالًا فَسُئِلُوا فَأَفْتَوْا بِغَيْرِ عِلْمٍ فَضَلُّوا وَأَضَلُّوا "   رواه البخاري ومسلم

" Darhaqiqat, Alloh ilmni o'zining bandalarining qalblaridan sug'urib olmas, balki ilmni ulamolarning vafot etishligi bilan (insonlar orasidan) olib tashlar, toki (insonlar orasida) biron olim qolmaguncha.  Shunda insonlar johil kimsalarni o'zlariga peshvo qilib olurlar va ulardan savollar so'rarlar, u (johil imomlar) ilmsizlik bilan fatvolar berurlar va shu tufayli insonlarni ham (to'gri yo'ldan) adashtirurlar va o'zlarini ham adashtirurlar" [ Imom Buxoriy va Muslimlar Abdulloh ibn A'mr ibn Al-Osdan rivoyat qilingan hadis]

Izoh: Bu hadisi sharif bizlarni ba'zi bir o'zini olim deb sanagan, Quron va Sunnatga asoslangan Haq so'zni aytishga jur'at qila olmay insonlarning havoi naflariga moslab "fatvolar" aytadigan soxta ulamolardan ogox bo'lishimizga chorlaydi.  Har bir fatvo so'raguvchi fatvo berguvchidan o'sha fatvosiga dalilini so'rashlikka va o'sha dalilga sahobalar qay tarzda amal qilishganliklarini bilishlikka haqlidur.  Agar har bir muftiyning fatvolarini shu nazarda olib qaralsa, kim haq-u va kim noto'gri fatvolar berayotganligini aniqlab olsa bo'ladi.  Alloh Ta'alo Bilguvchiroqdur.  Hozirdagi ko'plar muftiylar bo'lgan zamonda va ularning turli tuman fatvolarini o'qigan kimsa o'z yo'lida adashib qolishligi ham turgan gap, shuning uchun barchamiz Allohga duo qilib ana shu soxta muftiylar tuzog'iga tushib qolmaslikni so'ramoqligimiz kerakdur. 

اللَّهُمَّ أَرِنَا الْحَقَّ حَقًّا وَارْزُقْنَا اِتِّبَاعَهُ ، وَأَرِنَا الْبَاطِلَ بَاطِلاً وَارْزُقْنَا اِجْتِنَابَهُ ، إِنَّكَ سَمِيْعٌ مُجِيْبٌ

"Eh Alloh, bizlarga Haqni haqligicha ko'rsatgin va unga ergashishlikni nasib qilgin, va bizlarga Botilni botilligicha ko'rsatgin va undan ijtinob (uzob bo'lishlikka) nasib qilgin, darhaqiqat Sen barcha narsalarni Eshitguvchi va duolarni qabul qilguvchi Zotdursan"

Alloh barchamizni mana shu haqda zohir bo'lib turadigan toifa qatorida bo'lishimizga va Haq yo'lida yurishlikka tavfiq bersin.  Amin.